ប្រែសម្រួល៖សហការី
សម្រាប់ដំណឹងដ៏រំភើបរីករាយដែលបានផ្សព្វផ្សាយថាតារាចម្រៀង និងជាអ្នកនិពន្ធបទចម្រៀងឈ្មោះ Ed Sheeran គ្រោងនឹងមកសម្តែងនៅប្រទេសសិង្ហបុរីក្នុងថ្ងៃទី ១៨ ខែកុម្ភៈ ឆ្នាំ ២០២៤ ប្រយ័ត្នស្តាយក្រោយប្រសិនបើអ្នកខកខានមិនបានចូលរួមក្នុងឱកាសដ៏រីករាយនេះ។យើងចង់គូសបញ្ជាក់ថាទេពកោសល្យសម្តែងតន្ត្រីរបស់ Sheeran ពិតជាអស្ចារ្យមែនក៏ប៉ុន្តែនៅក្នុងកាប្រើប្រាស់សម្លៀកបំពាក់វិញនោះឃើញថាគាត់នៅមិនទាន់ប្រើប្រាស់ម៉ូដទាន់សម័យជាងគេបំផុតនៅឡើយទេ។
ប៉ុន្តែយ៉ាងណាមិញនៅក្នុងការប្រគំតន្ត្រីលំនាំដើមរបស់គាត់គេឃើញគាត់ពាក់អាវយឺត និងស្លៀកខោខូវប៊យ ទោះបីជាគាត់ស្លៀកពាក់ម្តងម្កាលសម្រាប់ព្រឹត្តិការណ៍ដែលក្រាលទៅដោយកម្រាលព្រំក្រហមឆ្អិនឆ្ងៅក៏ដោយ។ បើយើងមើលឱ្យជិតអ្នកនឹងដឹងថាតារាចម្រៀងរូបនេះមិនដែលខ្វះម៉ាកនាឡិការដៃប្រណីតៗសម្រាប់ពាក់លើកដៃរបស់គាត់នោះឡើយ។ តាមពិតទៅអ្នកជំនាញបានដឹងពីការប្រមូលទិញនាឡិកាសេរីទំនើបដែលជាម៉ាកលំដាប់ខ្ពស់ហើយមានតម្លៃរហូតដល់ទៅជាង ៦ លានដុល្លារអាមេរិកស្មើនឹង ៨.២ លានដុល្លារសិង្ហបុរី ។
គាត់ក៏ជាអ្នកប្រមូលទិញនាឡិកាដៃជាច្រើនទៀតផងដែរ Sheeran បានចាប់ផ្តើមធ្វើរឿងនេះតាំងតែពី នៅតូច។ នៅក្នុងបទសម្ភាសន៍ក្នុងឆ្នាំ ២០២២ ជាមួយ Hodinkee ដែលជាវិចិត្រករបានបង្ហាញពីការចាប់អារម្មណ៍លើនាឡិកាដៃដែលបានចាប់ផ្តើមប្រើដំបូងជាមួយនឹងនាឡិកាម៉ាក ToyWatch ។ “ខ្ញុំបានទទួលស្គាល់វាហើយក៏ចុះក្នុងកំណត់ត្រាជាមុនរួចហើយ ខ្ញុំមិនបានគិតពីផលប្រយោលជន៏ដើម្បីរកលុយទេ ខ្ញុំរកលុយបានត្រឹមតែ ៥០០ផោនស្មើនឹង 829ដុល្លាអាមេរិកប៉ុណ្ណោះនៅក្នុងការធ្វើកម្មវិធីមួយនេះ ហើយមិត្តភ័ក្តិរបស់ខ្ញុំមាននាឡិការពាក់គឺម៉ាក ToyWatch។ Sheeran បាននិយាយថា” សម្រាប់ខ្ញុំតែងតែពេញចិត្តវាជានិច្ច ព្រោះមើលទៅវាស៊ីគ្នាជាមួយនឹងម៉ូដខ្សែរបស់វាខ្លាំងណាស់ ខ្ញុំទិញនាឡិកាហើយខ្ញុំទិញខ្សែនាឡិកាដៃដែលមានពណ៌បៃតង ខ្សែពណ៌ខ្មៅ ខ្សែពណ៌ស និងខ្សែពណ៌ទឹកក្រូច។ នោះគឺជានាឡិការបស់ខ្ញុំដែលខ្ញុំទើបតែបង្វិលចេញ”។
សព្វថ្ងៃនេះ ការប្រមូលនាឡិការបស់គាត់តែងតែមានការផ្លាស់ផ្តូរម៉ាកពី MoonSwatch រហូតដល់ Rolex, Patek Philippe និងម៉ាកជាច្រើនទៀត។ ប៉ុន្តែនៅក្នុងបទសម្ភាសន៍ក្នុងឆ្នាំ ២០២៣ នេះជាមួយ John Mayer សម្រាប់ Hodinkee Sheeran បានបង្ហាញថា ToyWatch នៅតែជានាឡិកាដ៏មានតម្លៃបំផុតរបស់គាត់និងជានាឡិកាដៃដ៏ពេញនិយមសម្រាប់គាត់។ គាត់បាននិយាយថា៖ “ខ្ញុំល្បីដោយសារការសាក់រូបភាពដ៏អាក្រក់ៗលើខ្លួនរបស់ខ្ញុំ ដែលការសាក់រូបភាពខ្លះវាមានសភាពចម្លែកណាស់ខ្ញុំចង់តែសាក់លើនាឡិកាថែមទៀតទេ”។
បើយើងពិនិត្យមើលឱ្យកាន់តែដិតដល់លើម៉ាកនាឡិកាមួយចំនួនក្នុងការប្រមូលទិញរបស់ Sheeran ។ តើនាឡិកាមួយណាដែលយើងគិតថាតារាចម្រៀងរូបនេះនឹងពាក់សម្រាប់កម្មវិធីរបស់គាត់នៅសិង្ហបុរីនោះ?
ប្រភព៖ CNA